【職場生存必備系列—尋找好Mentor(上集)】#尋找好Mentor
正所謂千里馬都要遇上伯樂，喺職場上想成功，除咗靠自己打拼，如果有人扶自己一把，上位當然會更加快。而可以有呢種能力嘅人，都係事業有所成就、知識閱歷比自己豐富嘅前輩，可以稱之為職場導師Mentor。搵到一份好工，再加上個好Mentor，簡直如虎添翼， 加乘你職場能力！
職場得一好Mentor有咩好處呢？
1) 明燈指引
職場上遇到難題，有好嘅Mentor可以提供指引。因為比起直接講答案，佢哋更加傾向啟發你思考，引領你點樣搵出解決方法。
2) 傾訴對象
每個人承擔壓力程度唔同，處理不當隨時損害健康。最好嘅方法，就係搵到肯聽你傾訴同畀意見你嘅人。而Mentor係過來人，明白你處境，更易有共鳴，幫你分擔壓力同顧慮。
3) 走出盲點
旁觀者清當局者迷，每個人都會有盲點，或多或少會影響職場判斷力。最常見嘅係我哋睇到人哋缺點，但從來睇唔到自己缺點。Mentor嘅出現，可以幫你從大局、唔同角度分析成件事，突破職場盲點。
4) 借用Network
Mentor擁有豐富工作經驗，儲落強大人際網絡。比起靠自己打江山，只要Mentor睇好你，肯出句聲幫幫手，利用佢嘅人際網絡，可以令你事業扶搖直上，輕鬆更上一層樓！
好Mentor同幸福一樣，從來唔會從天而降，係要靠自己爭取返嚟。下個post，話俾大家知好Mentor嘅必備條件！
Search